O Entroido de Cobres segue compartindo cultura e tradición con outros entroidos e mascaradas.
O 24 de febreiro estivo en Bemposta, rexión de Mogadouro no país veciño de Portugal, con máis de 50 grupos de entroidos e mascaradas de España, Portugal, Italia e Bulgaria no IV Encontro Internacional de Rituais Ancestrais.
Desfilaron polas rúas da localidade enchéndoas dos seus traxes coloridos e das súas danzas tradicionais, coincidindo con outros grupos xa coñecidos e con outros novos, tecendo redes culturais más alá das fronteiras do noso municipio.
O 27 e 28 de abril estiveron en Viana do Bolo e Vilariño do Conso, na IX Edición do Festival Vibomask, gran Mascarada Ibérica que volveu a proxectar a identidade, historia e riqueza etnográfica dos territorios que se deron cita nesta manifestación cultural coas súas singulares máscaras e vestimentas, coa participación de preto dun centenar de grupos cos que o Entroido de Cobres desfilou e compartiu tradición.
