Vilaboa acolle o Encontro de Entroidos 2025, unha festa de tradición e alegría
A Asociación Cultural Cobres organiza un ano máis o Encontro de Entroidos, un evento que reúne a diversas agrupacións de máscaras e tradicións de Galicia, Castela e León, e Portugal. A festa comeza ás 13:00 horas cun vermú no Chiringo de Deilán, seguido pola apertura oficial ás 18:15 horas, coa presenza do presidente da Asociación Cultural Cobres, D. Martín Duarte, e do alcalde de Vilaboa, D. César Poza.
Desde as 18:30 horas, poderá gozarse dun espectacular desfile con actuacións das agrupacións participantes, entre elas Madamas e Galáns do Entroido de Cobres, Veteranas do Entroido, Boteiros de Viana do Bolo, Caretos de Lazarim e moitos máis. A xornada continuará coa música da Fanfarria Furruxa e unha noite de concertos con Quinkillada, Boyanka Kostova e Dj Charlie.
O Encontro de Entroidos é unha celebración que promove a salvagarda do patrimonio cultural inmaterial e a transmisión das tradicións ancestrais da comarca.
