O Entroido de Cobres continúa a súa difusión máis alá das datas tradicionais coa participación en distintos festivais e eventos culturais de Galicia, España e Portugal ao longo da primavera.
Estas saídas teñen como obxectivo dar visibilidade ao noso entroido tradicional, compartir as nosas madamas e galáns con novos públicos, e reforzar os lazos con outras máscaras da Península Ibérica.
As datas e lugares confirmados para esta tempada son os seguintes:
🔹 9 de marzo – Festa do Lacón de Cuntis (Galicia)
Participación co Entroido de Cobres no desfile desta festa gastronómica e cultural.
Ver programación da Festa do Lacón
🔹 2 de maio – TROBÁ en Oropesa del Mar (Castelló)
Representación do Entroido de Cobres nesta trobada de cultura popular valenciana.
Ver programación da TROBÁ
🔹 17 e 18 de maio – ViboMasck (Viana do Bolo e Vilariño de Conso)
Festival das máscaras tradicionais galegas e portuguesas.
Ver programación de ViboMasck
🔹 24 de maio – XVII Desfile da Máscara Ibérica (Porto, Portugal)
Participación no desfile central deste gran evento internacional de máscaras ibéricas.
Ver programación da Máscara Ibérica
Estas participacións están organizadas pola Asociación Cultural Cobres, que agradece a acollida das entidades organizadoras e aposta pola presenza activa do Entroido de Cobres nos principais espazos de difusión do patrimonio cultural.
