O Entroido de Cobres celebrarase en 2026 cunha programación completa que se desenvolverá do 8 ao 17 de febreiro, incluíndo a presentación polas parroquias de Vilaboa, actividades de pre-Entroido en centros educativos e os días grandes da festa nas parroquias de Santa Cristina e San Adrián de Cobres.
Recoñecido como Ben de Interese Cultural, o Entroido de Cobres é unha das manifestacións máis singulares do entroido tradicional galego, cunha forte implicación comunitaria e unha transmisión viva da tradición.
O inicio oficial da programación terá lugar o 8 de febreiro de 2026, coa Presentación do Entroido de Cobres polas parroquias de Vilaboa, cun percorrido polos seguintes puntos:
- 11:00 h · Capela de Santa Marta (Bértola)
- 12:00 h · Casa da Cultura de Figueirido
- 13:00 h · Campo da festa de Postemirón
- 16:00 h · Carretera vella de Paredes
- 17:00 h · Salinas do Ulló de Vilaboa
Como parte da programación previa, desenvolveranse tamén actividades de pre-Entroido en centros educativos, co obxectivo de achegar a festa ás novas xeracións:
- 29 de xaneiro de 2026 · IES A Sangriña (A Guarda)
- 3 de febreiro de 2026 · Colexio Santiago Apostol (Soutomaior)
- 3 de febreiro de 2026 · CPI Toural (Vilaboa)
- 10 de febreiro de 2026 · Colexio Apóstol Santiago de Vigo (Xesuítas)
- 10 de febreiro de 2026 · CEIP A Guía (Domaio)
- 12 de febreiro de 2026 · CEIP Balaídos (Vigo)
- 12 de febreiro de 2026 · CEIP Igrexa Candeán (Vigo)
Os días grandes do Entroido de Cobres 2026 celebraranse do 14 ao 17 de febreiro, cun programa completo de actos tradicionais.
