O Entroido de Cobres fai públicos os gañadores e gañadoras do Concurso do Galo 2026, unha iniciativa educativa dirixida ao alumnado de infantil e primaria dos centros escolares do concello de Vilaboa, co obxectivo de promover a creatividade, a participación e o coñecemento da tradición do Entroido.
O concurso consistiu na elaboración de lazos decorativos cos que se vestiu o Galo do Entroido, seguindo a estética tradicional das madamas e dos galáns. Todos os traballos presentados formaron parte da decoración final do Galo, reforzando o carácter colectivo e participativo da actividade.
Tras a valoración realizada pola directiva da Asociación Cultural Cobres, estes son os premios concedidos:
CEP Riomaior
1.º Saúl
2.º Erea
3.º Mayra
4.º Manu
5.º Xoel
6.º Cloe
CPI do Toural
1.º Leire
2.º Victoria
Desde o Entroido de Cobres queremos felicitar a todo o alumnado participante, así como agradecer o labor do profesorado e das familias, fundamentais para manter viva a tradición entre as novas xeracións.
O Concurso do Galo forma parte das accións culturais e educativas do Entroido de Cobres, contribuíndo á transmisión do patrimonio inmaterial galego e ao vencello da festa coa comunidade educativa.
